17-04-2020
ឯកឧត្តម អ៊ុន ចាន់ដា អភិបាលខេត្ត និងជាប្រធានគណៈ​កម្មការប្រយុទ្ធនឹងជំងឺកូវីដ-១៩ខេត្តកំពង់ចាម បានទទួលអំណោយថវិកា ពីថ្នាក់ដឹកនាំ និងមន្ត្រីរាជការ នៃមន្ទីរសុខាភិបាលខេត្តកំពង់ចាម ដែលដឹកនាំដោយលោកវេជ្ជបណ្ឌិត គឹម ស៊ួភិរុណ ជាថវិកាចំនួន ៥,១៦០,០០០ រៀល (ប្រាំលានមួយសែនប្រាំមួយម៉ឺនរៀល) ដើម្បីចូលរួមក្នុងយុទ្ធនាការប្រយុទ្ធទប់ស្កាត់ការរីករាល ដាលនៃជំងឺ កូវីដូ -១៩ ។ សូមបញ្ជាក់ផងដែរថា កាលពីរសៀលថ្ងៃទី១៥ ខែមេសា ឆ្នាំ២០២០ គណៈកម្មការប្រយុទ្ធនឹងជំងឺកូវិដ-១៩ខេត្តកំពង់ចាម ក៏បានទទួលអំណោយពីសាស្ត្រាចារ្យ បុគ្គលិក និស្សិតនៃសាកលវិទ្យាល័យ គ្រប់គ្រង និងសេដ្ឋកិច្ច UME សាខាខេត្តកំពង់ចាម ដឹកនាំដោយលោក ម៉ៅ ឌុង និងសហការី នូវថវិកាចំនួន ៦០០៥,០០០ រៀល (ប្រាំមួយលានប្រាំពាន់រៀល)ផងដែរ ។ក្នុងឱកាសនៃការ ទទួលអំណោយខាងលើឯកឧត្តម អ៊ុន ចាន់ដា បានថ្លែងអំណរគុណដល់សប្បុរសជនដែលបាន បរិច្ចាគនូវទ្រព្យធនផ្ទាល់ ខ្លួនដោយ ស្ម័គ្រចិត្ត ក្នុងសកម្មភាពប្រយុទ្ធទប់ស្កាត់ការរីករាលដាលនៃជំងឺកូវីដ-១៩ ដោយលោកអភិបាលខេត្ត បានប្រគល់លិខិតថ្លែងអំណរ គុណជូនសប្បុរសជនវិញជាការតបផងដែរ ។