ពិធីសំណេះសំណាលជាមួយថ្នាក់ដឹកនាំ និងមន្ត្រីរាជការ របស់មន្ទីររៀបចំដែនដី នគរូបនីយកម្មសំណង់ និងសុរិយោដីខេត្តកំពង់ឆ្នាំង

កំពង់ឆ្នាំង៖ លោក សាន់ យូ អភិបាលរងខេត្តកំពង់ឆ្នាំង នៅថ្ងៃទី២៩ ខែមេសា ឆ្នាំ២០២០ បានអញ្ជើញជួបសំណេះសំណាលជាមួយថ្នាក់ដឹកនាំ និងមន្ត្រីរាជការរបស់មន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តកំពង់ឆ្នាំង។
នៅក្នុងពិធីជួបសំណេះសំណាលនេះ លោកអភិបាលរងខេត្ត បានថ្លែងអំណរគុណចំពោះថ្នាក់ដឹកនាំ និងមន្ត្រីរាជការរបស់មន្ទីរទាំងអស់ដែលកន្លងមកបានខិតខំប្រឹងប្រែងអនុវត្តការងារទទួលបានលទ្ធផលល្អប្រសើរ។ បន្ថែមពីនេះទៀត លោកក៏បានជំរុញឱ្យថ្នាក់ដឹកនាំ និងមន្ត្រីរាជការរបស់មន្ទីរទាំងអស់ បន្តខិតខំអនុវត្តការងារ ពិសេសការផ្តល់សេវាសាធារណៈជូនប្រជាពលរដ្ឋ ឱ្យទទួលបានប្រសិទ្ធភាពខ្ពស់បន្ថែមទៀតផងដែរ ៕
ប្រភព៖ កម្ពូជា ពិត