21-04-2020
ព្រឹកថ្ងៃទី ២០ ខែមេសា ឆ្នាំ២០២០នេះ រដ្ឋបាលខេត្តកំពង់ចាម បានបំពាក់ម៉ាស៊ីន បាញ់ទឹកអាកុល សម្រាប់សម្លាប់មេរោគ ដោយ ស្វ័យប្រវត្តិ ចំនួន ០៦គ្រឿង ដល់មន្ត្រីរាជការ និងសាធារណជន ដែលបានចូលមកទទួលសេវានៅសាលាខេត្តកំពង់ចាម ។ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធនឹងជំងឺកូវីដ១៩ បានរៀបចំម៉ាស៊ីន ស្វ័យប្រវត្តិចំនួន ប្រាំមួយគ្រឿង នៅតាមទីតាំងផ្តល់សេវាសំខាន់ៗ នៅរដ្ឋបាលខេត្តកំពង់ចាម ដើម្បីបង្ការ ទប់ស្កាត់ ការឆ្លងរាតត្បាត នៃជំងឺកូវីដ ១៩ ។ បើទោះបី អ្នកជំងឺ កូវីដ១៩ ទាំង១៦ នាក់ ក្នុងខេត្តកំពង់ចាម បានជាស្បះស្បើយអស់ហើយក្តី ក៏អាជ្ញារធរគ្រប់ លំដាប់ថ្នាក់ បន្តយកចិត្តទុក្ខដាក់ចាត់វិធានការផ្សព្វផ្សាយ អប់រំអនាម័យ និងការការពារការរាតត្បាតនៃជម្ងឺកូវីដ១៩ ដោយមិន មាន ការធ្វេសប្រហែសឡើយ  ពោលគឺការពារ ប្រសើរ ជាងព្យាបាល ។ អជ្ញាធរខេត្ត បានដាក់ចេញនូវ វិធានការបង្ការ ទប់ស្កាត់ ការឆ្លង រាតត្បាតនៃជំងឺកូវីដ១៩ និងសូមអំពាវនាវ ដល់ បងប្អូន ប្រជាពលរដ្ឋ ឲ្យអនុវត្តយ៉ាងខ្ជាប់ខ្ជួន នូវការថែរក្សាអនាម័យផ្ទាល់ខ្លួន ក្នុង គ្រួសារ កន្លែងធ្វើការ ក៏ដូចជា នៅ ទីសាធារណៈ ជៀសវាងការជួបជុំគ្នា ក្នុងពិធីធំៗ និងត្រូវពាក់ម៉ាស់ លាងសម្អាតដៃដោយសាប៊ូ អាល់កុល ឬជែលសម្លាប់មេរោគ ជាប់ជាប្រចាំតាមការណែនាំ របស់ក្រសួងសុខាភិបាល ។